Kunning og kostnaður

Á skeiðunum er millum annað

  • Kunning um pinkubarnasvimjing.
  • Kunning um positivu árinini av at svimja við pinkubørnum og børnum.
  • Kunning um, hvussu svimjing mennir barnið og samspælið millum børn og foreldur.
  • Sangur við rørslum.
  • Lívbjargandi venjingar.

Endamálið við pinkubarnasvimjing er millum annað

  • At børn og foreldur fáa eina løtu saman, ið ikki er órógvað av fartelefonum, teldum og øðrum, ið annars er órógvandi í gerandisdegnum.
  • At børnini venjast við vatn og verða trygg í vatni.
  • At børnini kunnu røra seg á ein hátt, ið tey ikki kunnu á landi.
  • At børn og vaksin eru kropsliga virkin saman.
  • At børnini verða ment í einum sunnum og gevandi umhvørvi.
  • At barnið lærir at lívbjarga sær í vatni.
  • At foreldur vísa barninum ans og nærleika.
  • At foreldur hittast at práta um barnauppaling og felags áhugamál.

Eitt sindur um undirvísaran

    • Majbritt Hálvdansdóttir, f. 1973.
    • Mamma at trimum børnum.
    • Útbúgvin heilsurøktari í 1998. 
    • Prógv sum lærari í pinkubarnasvimjing í 2003.
    • Undirvíst í pinkubarnasvimjing síðani 2004.
    • Havi fingið frálæru og annars kunnað meg um pinkubarnasvimjing í Svøríki, Íslandi, Danmark og Nýsælandi.
    • Havi verið á altjóða ráðstevnum í Svøríki (2005), Íslandi (2006), Finnlandi (2010) og Danmark (2012), har undirvísarar úr m.a. USA, Avstralia, Suðurafrika, Spania, Norra, Meksiko og Japan hava undirvíst og hildið fyrilestrar.

    Kostnaður og tíðarskeið

    • Skeiðini byrja í august, oktobur, januar/februar og apríl. Skeiðini eru fríggjadagar millum klokkan 16.00 og 18.00.
    • Systkinasvimjing: Eitt skeið um árið; vanliga í apríl mánaða.
    • Tekning til skeiðini er alt árið. Tá ið pláss er á einum holdið, fær mann boð við telduposti.
    • Hvørt skeiðið er 7 ferðir og kostar kr. 550,-
    • Systkinasvimjing (tvey børn) kostar kr. 975,-
    • Gjaldast skal fyri skeiðið, áðrenn tað byrjar. Endurrindað verður ikki; undantak er tó um læknaváttan verður víst.